د پاكستان په قبايلي سيمې شمالي وزيرستان كې د وسله والو پر يوه مركز د امريكايي بې پيلوټه الوتكې په تازه بريد كې شل وسله وال وژل شوي دي. دغه بريد تېره شپه د شمالي وزيرستان د مركز ميرانشاه په دته خېلو سيمه كې شوى دى.
د پاكستان په قبايلي سيمې شمالي وزيرستان كې د وسله والو پر يوه مركز د امريكايي بې پيلوټه الوتكې په تازه بريد كې شل وسله وال وژل شوي دي.
دغه بريد تېره شپه د شمالي وزيرستان د مركز ميرانشاه په دته خېلو سيمه كې شوى دى.
ځايي دولتي چارواكي په دې بريد كې د دولسو وسله والو د وژل کېدو خبره مني، خو وايي، چې ياده شمېره تر دې هم لوړېدلى شي.
دغه راز ځينې باخبره سرچينې او يو شمېر چارواكي بيا د وژل شويو وسله والو شمېر شل تنه ښيي.
يوه امنيتي چارواكي د نوم نه ښودلو په شرط ويلي، چې په نښه شوى كور د حافظ ګل بهادر په مشرۍ د سخت دريځو طالبانو مرکز و او په وينا يې په دې بريد كې يو شمېر وسله وال ټپيان شوي هم دي.
کلید ګروپ په ټویټر او فیسبوک کې وګورئ
