د امريکا د بهرنيو چارو وزيرې مېرمن هيلري کلنټن په مومندو اېجنسۍ کې د پاکستانيو سرتېرو په وژل کېدو بښنه غوښتې او ويلي يې دي، چې پاکستان د اکمالاتي لارې د خوشې کولو پرېکړه کړې ده.
د امريکا د بهرنيو چارو وزيرې مېرمن هيلري کلنټن په مومندو اېجنسۍ کې د پاکستانيو سرتېرو په وژل کېدو بښنه غوښتې او ويلي يې دي، چې پاکستان د اکمالاتي لارې د خوشې کولو پرېکړه کړې ده.
په واشنګټن کې دامريکا د بهرنيو چارو وزارت لخوا په يوه خپره شوې خبرپاڼه کې راغلي دي، چې د بهرنيو چارو وزيرې مېرمن هيلري کلنټن تېره ورځ خپلې پاکستانۍ سيالې مېرمن حنا رباني کهر سره ټيليفوني خبرې وکړې او د مومندو اېجنسۍ پر پېښې يې بښنه وغوښته.
د امريکا د بهرنيو چارو وزارت په خبرپاڼه کې ويل شوي، چې مېرمن هيلري کلنټن ژمنه کړې، چې په راتلونکې کې د داډول پېښو د مخنيوي په هدف به له پاکستان سره په ګډه کار کوي.
بلخوا پاکستاني طالبانو د پاکستان د حکومت له لوري د ناټو د ټرانزيټي لارې پرانيستل کېدل يو وحشيانه عمل بللى او ويلي يې دي، چې دوی به د پاکستان له لارې افغانستان ته پر هرې تلونکې باري نقليه وسيلې بريد وکړي.
کلید ګروپ په ټویټر او فیسبوک کې وګورئ
