د امريکا پوځ په افغانستان کې د خپلو سرتېرو لپاره د خوراکي توكو قرارداد، چې ارزښت يې نژدې لس مليارد ډالره کېږي، د دوبۍ له يوه شرکت سره لاسليک کړ.
تراوسه پورې پ
د امريکا پوځ په افغانستان کې د خپلو سرتېرو لپاره د خوراکي توكو قرارداد، چې ارزښت يې نژدې لس مليارد ډالره کېږي، د دوبۍ له يوه شرکت سره لاسليک کړ.
تراوسه پورې په افغانستان کې د امريکا پوځ ته يو بل شرکت، چې سوپريم ګروپ نومېږي، خوراکي توكي برابروي.
په راپور کې نه دي ويل شوي، چې دا قرارداد د څومره وخت لپاره دى، خو که د خوراکي توكو بيې په پام کې ونيول شي، داسې ښکاري چې دا به د ډېرو کلونو لپاره وي.
د امريکا د د فاع وزارت وايي، چې له ۲۰۰۵ ميلادي كال څخه تراوسه پورې يې په افغانستان کې د خپلو سرتېرو د خوراکي توكو لپاره سوپريم ګروپ ته، چې په هالنډ کې دېره دى او دمګړۍ امريکايي سرتېرو ته خوراکي مواد برابروي، نژدې اووه مليارد ډالره ورکړي دي.
له سوپريم ګروپ سره د امريکا د پوځ قرارداد د سږکال په ډسمبر کې پاى ته رسېږي.
کلید ګروپ په ټویټر او فیسبوک کې وګورئ
