ټاکل شوې، چې نن د ايران او پنځه جمع يو ډلې تر منځ د خبرو اترو بل پړاو په مسکو كې پيل شي. دا د اټومي لانجې په اړه د دواړو غاړو تر منځ د خبرو اترو درېيم پړاو دی.
ټاکل شوې، چې نن د ايران او پنځه جمع يو ډلې تر منځ د خبرو اترو بل پړاو په مسکو كې پيل شي.
دا د اټومي لانجې په اړه د دواړو غاړو تر منځ د خبرو اترو درېيم پړاو دی.
د راپورونو له مخې په دې ناسته کې تمه کېږي، چې پنځه جمع يو ډله له ايران څخه د ۲۰ سلنه يورانيمو بډاينې د بندولو او په « قم» سيمه کې د يورانيمو د غني کولو د يوه مرکز د تړلو غوښتنه مطرح کړي.
په مقابل کې ويل کېږي، چې د ايران مذاکره کونکي به پر ايران د لګيدلو بنديزونو د ختمولو او د يورانيمو د غني کولو لپاره د خپل هېواد د حق غوښتنه وکړي.
د ايران او پنځه جمع يو ډلې هېوادونو « يانې امريکا، چين،روسيه،فرانسه، جرمني او برتانيا» تر منځ د خبرو اترو تېر پړاو، تېره مۍ مياشت په بغداد کې بې پايلې پای ته ورسېده.
بلخوا ويل کېږي، چې روسي چارواکي به د اوسنيو مذاکراتو د يوې مثبتې پايلې راويستلو هڅه وکړي.
کلید ګروپ په ټویټر او فیسبوک کې وګورئ
