ايران د هند له لوري د افغانستان په اړه په جوړېدونکي کنفرانس کې ګډون ته تياري وښوده، خو پاکستان تراوسه پورې د هند بلنې ته ځواب نه دى ويلى. رپوټونه وايي، چې ايران به په لوړه کچه د روانې جون مياشتې په اته ويشتمه نېټه په نوي ډيلي کې د افغانستان د راتلونکي په اړه کنفرانس کې ګډون وکړي.
ايران د هند له لوري د افغانستان په اړه په جوړېدونکي کنفرانس کې ګډون ته تياري وښوده، خو پاکستان تراوسه پورې د هند بلنې ته ځواب نه دى ويلى.
رپوټونه وايي، چې ايران به په لوړه کچه د روانې جون مياشتې په اته ويشتمه نېټه په نوي ډيلي کې د افغانستان د راتلونکي په اړه کنفرانس کې ګډون وکړي.
د هند د ايم اين اې خبري اژانس د راپور له مخې، په دې يو ورځني کنفرانس کې به افغانستان ته د امنيت او ثبات د راوستلو په پروسه کې د سيمې د هېوادونو د ونډې پر ميکانيزم خبرې وشي، خو افغان چارواکو ويلي، چې په دې کنفرانس کې به د افغانستان د کانونو، برېښنا او کرنې په برخو کې د پانګونې لپاره د ټوکيو کنفرانس ته وړانديزونه راټول شي.
کلید ګروپ په ټویټر او فیسبوک کې وګورئ
