ايټاليا غواړي، چې په افغانستان كې د خپلو ځواكونو د خوندي كولو لپاره له ډيورنډ پولې پورې غاړه القاعده او وسله وال طالبان په نښه كړي. تراوسه د ترهګرۍ ضد جګړه كې يوازې امريكا او بريتانيا له بې پيلوټه الوتكو كار اخلي، خو د ايټاليا په ور زياتېدلو سره به دا درېيم هيواد وي، چې ورته بريدونه
ايټاليا غواړي، چې په افغانستان كې د خپلو ځواكونو د خوندي كولو لپاره له ډيورنډ پولې پورې غاړه القاعده او وسله وال طالبان په نښه كړي.
تراوسه د ترهګرۍ ضد جګړه كې يوازې امريكا او بريتانيا له بې پيلوټه الوتكو كار اخلي، خو د ايټاليا په ور زياتېدلو سره به دا درېيم هيواد وي، چې ورته بريدونه كوي.
د امريكا متحده ايالتونه څارګره اداره پر قبايلي سيمې د څارګرو الوتكو بريدونه پلانوي او ټاكل شوې، چې د امريكا متحده ايالتونه تر راتلونكو دوو اوونيو پورې دا اعلان كړي، چې ايټاليا هم پر قبايلي سيمه توغندويز بريدونه پلانوي.
د پنټاګون وياند جورج لېټل رسنيو ته ويلي، ايټاليا د امريكا نږدې ملګرى او د ناټو غړى دى او د واشنګټن لپاره دا مهمه ده، چې د بېلابېلو علتونو له كبله له دغه هېواد سره د توغنديزو بريدونو ټكنالوژي او وړتيا شريكه كړي.
کلید ګروپ په ټویټر او فیسبوک کې وګورئ
