د القاعده شبکې مشر ايمن الظواهري په يوه نوي ويډيويي پيغام کې د يمن اوسېدونکي د دغه هېواد د اوسني جمهور رئيس عبدربه منصور هادي پر وړاندې بغاوت ته هڅولي.
د القاعده شبکې مشر ايمن الظواهري په يوه نوي ويډيويي پيغام کې د يمن اوسېدونکي د دغه هېواد د اوسني جمهور رئيس عبدربه منصور هادي پر وړاندې بغاوت ته هڅولي.
د مصري ورځپاڼې اليوم السابع په حواله، الظواهري پخپلو خبرو کې منصور هادي د امريکا غلام بللی او وايي، چې دی هم د يمن د پخواني جمهور رئيس علي عبدالله صالح په څېر کارونه کوي.
د نوموړي په خبره عبدربه منصور هادي د علي عبدالله صالح له نظام څخه ټوکېدلی کس دی.
د راپور پر اساس الظواهري پخپله دې ويډيو کې زياته كړې، چې د القاعدې غړي د يمن په جنوب او ختېځو سيمو کې فعاليت کوي تر څو شرعي احکام پلي کړي.
نوموړى له يمني اوسېدونکو د نظام او اوسنيو واکمنو پر خلاف د مبارزې غوښتنه کوي.
د القاعده شبکې د مشر ايمن الظواهري دا ويډيو داسې مهال خپرېږي، چې د يمن پوځ له شنبې ورځې راهيسې په ابين ايالت کې د يادې شبکې پر وړاندې پراخ علميات پيل کړي.
کلید ګروپ په ټویټر او فیسبوک کې وګورئ
