نن سهار شاوخوا لس نيمې بجې د پاکستان د خيبر پښتونخوا ايالت مركز پېښور ښار په رېنګ روډ د چاودنې له كبله ۹ تنه ټپيان شول. ترلاسه شوي راپورونه وايي چې دغه چاودنه په رينګ روډ دپوليس يوه مرکز ته څېرمه شوې.
نن سهار شاوخوا لس نيمې بجې د پاکستان د خيبر پښتونخوا ايالت مركز پېښور ښار په رېنګ روډ د چاودنې له كبله ۹ تنه ټپيان شول.
ترلاسه شوي راپورونه وايي چې دغه چاودنه په رينګ روډ دپوليس يوه مرکز ته څېرمه شوې.
ځايي چارواکي وايي، چې د چاودنې له کبله ۹ تنه سخت ټپيان شوي، چې نږدې روغتون ته د درملنې لپاره وړل شوي او د يو تن روغتيايي حالت د اندېښنې وړ ښودل شوی.
امنيتي چارواکي وايي، چې چاودنه د هغو چاوديدونکو توکو د چاودنې له امله رامنځته شوې، چې په يوه ديګ بخار کې د پوليسو پوستې ته نږدې ځای پر ځاى شوى و.
تراوسه په پاکستان کې کومې وسله والې ډلې د دې بريد مسوليت نه دی منلی.
د ويلو ده، چې تېره ورځ هم د پېښور ښار په ګلبهار سيمه كې د پوليسو پريوه موټر چاودنه شوې وه، چې له کبله يې د پوليسو په ګډون ۲۳ تنو ته مرګ ژوبله اوښتې وه.
کلید ګروپ په ټویټر او فیسبوک کې وګورئ
