د مومندو يو تن مخور او قومي مشر ملک دلاور خان مومند پرون ماښام د پېښور په اشنغرۍ سيمه کې د نامعلومو وسله والو له خوا وژل شوى دى. وسله والو پر نوموړي خپل کور ته نژدې د خلکو له ګڼې ګوڼې په ډکه سيمه کې ډزې كړي او ځاى پر ځاى يې وژلى دى.
د مومندو يو تن مخور او قومي مشر ملک دلاور خان مومند پرون ماښام د پېښور په اشنغرۍ سيمه کې د نامعلومو وسله والو له خوا وژل شوى دى.
وسله والو پر نوموړي خپل کور ته نژدې د خلکو له ګڼې ګوڼې په ډکه سيمه کې ډزې كړي او ځاى پر ځاى يې وژلى دى.
پوليس وايي، نوموړى د ماښام تر لمانځه وروسته د خپل کور پر لور روان و، چې دوو تنو موټرسايکل سپرو پرې بريد وکړ.
د نوموړي نژدې خپل او د پېښور د رسنيو مرکز مرستيال حضرت خان مومند وايي، چې ملک دلاور خان له هېچا سره شخصي دښمني نه درلوده او دوى نه پوهېږي، چې دا کار به چا کړى وي.
امنيتي چارواكي وايي، د ملک دلاور خان قاتلين په تېښته بريالي شوي، خو پوليس يې د نيونې په لټه کې دي.
کلید ګروپ په ټویټر او فیسبوک کې وګورئ
