د اوکراين پخوانۍ صدراعظمې، يوليا تيموشينکو د نه خوړلو اعتصاب پاى ته رسولى. د اعصابو متخصص جرمني ډاکټر لوتز هرمس، چې د يوليا تيموشينکو د معاينې لپاره دغه هېواد ته تللى و ويلي، چې د نه خوړلو له اعتصاب څخه وروسته د
د اوکراين پخوانۍ صدراعظمې، يوليا تيموشينکو د نه خوړلو اعتصاب پاى ته رسولى.
د اعصابو متخصص جرمني ډاکټر لوتز هرمس، چې د يوليا تيموشينکو د معاينې لپاره دغه هېواد ته تللى و ويلي، چې د نه خوړلو له اعتصاب څخه وروسته د تيموشينکو د صحت ښه کېدل ښايي يوه مياشت وخت ونيسي.
نوموړې تېره ورځ د زندان له خونې د سيمې يوه روغتون ته لېږدول شوې.
هغې له تېرو دريو اونيو راهيسې د نه خوړلو اعتصاب کړی وو.
يوليا تيموشينکو د خدمت پر مهال له خپلو صلاحيتونو څخه د ناوړه کار اخيستلو په خاطر په اوه کاله بند محکومه شوې ده.
کلید ګروپ په ټویټر او فیسبوک کې وګورئ
