د خيبرپښتونخوا په اكوړه خټك سيمه كې د پښتو ژبې د مشهور شاعر او سياستوال اجمل خټک پر قبر بمي بريد شوى، چې له كبله يې ۱۰ تنه ټپيان شول
د خيبرپښتونخوا په اكوړه خټك سيمه كې د پښتو ژبې د مشهور شاعر او سياستوال اجمل خټک پر قبر بمي بريد شوى، چې له كبله يې ۱۰ تنه ټپيان شول
چارواکي وايي، په ټپيانو کې درې يې د يوه خصوصي تلويزيون خبريالان، څلور يې پوليس او پاتې هغه يې ولسي خلک دي.
د راپونو له مخې په چاودنه کې د قبر ځينې برخې هم ويجاړې شوې دي.
تر اوسه پورې چا د دغې پېښې پړه پر غاړه نه ده اخيستې.
اجمل خټک نامتو پښتون سياستوال او د نېشنل عوامي پارټۍ پخوانی مشر تر يو کال رنځ وروسته د ٢٠١٠ ميلادي کال په پسرلي کې ومړ.
دا په پښتونخوا کې د پښتو ژبې د يوۀ شاعر او پېژندل شوي کس پر قبر درېيم بريد دى -له دې وړاندې د رحمان بابا او حمزه بابا پر زيارتونو هم ورته بريدونه شوي وو.
کلید ګروپ په ټویټر او فیسبوک کې وګورئ
