د امريكا دفاع وزير ليون پنيتا د پاکستاني چارواکو د پرونيو څرګندونو په غبرګون کې ويلي، چې واشنګټن به له ځانه په دفاع کې د څارګرو الوتکو بريدونه ونه ځنډوي.
د امريكا دفاع وزير ليون پنيتا د پاکستاني چارواکو د پرونيو څرګندونو په غبرګون کې ويلي، چې واشنګټن به له ځانه په دفاع کې د څارګرو الوتکو بريدونه ونه ځنډوي.
ليون پنيتا په واشنګټن کې يوې خبري غونډې ته وويل، چې د ۲۰۰۱ ميلادي کال د سپټمبر يوولسمې پېښه د القاعدې کار و، چې له كبله يې نږدې درې زره امريکايان ووژل شول او په راتلونکې کې به د دا ډول بريدونو د مخنيوي لپاره د بې پيلوټه الوتکو بريدونه روان وي.
ليون پنيتا د اسلام اباد غبرګون ته په اشارې زياته کړه، چې كه پاكستان هرڅومره مخالفت هم وكړي امريكا به دا بريدونه ونه ځنډوي.
نوموړي دا خبرې وروسته له هغې وكړې، چې پرون د شمالي وزيرستان په شوال کې امريكايي څارګرو الوتکو د وسله والو يو مرکز په نښه کړ او اته تنه يې ووژل.
پاکستان دغه بريد په کلکو ټکو غندلى دى.
کلید ګروپ په ټویټر او فیسبوک کې وګورئ
