د لغمان په الينکار ولسوالۍ کې د ايډيانيو په مالي لګښت اوه کيلومتره اوږدکانال تر جوړېدو وروسته پرون ګټي اخيستنې ته وسپارل شو. د دې ولايت د والي وياند سرحدي ځواک کليد سره خبرو کې وويل، چې د نيازينو په نوم ياد کانال اوه کيلومتره اوږدوالى او څلور متره سور لري، چې په وينايې
د لغمان په الينکار ولسوالۍ کې د ايډيانيو په مالي لګښت اوه کيلومتره اوږدکانال تر جوړېدو وروسته پرون ګټي اخيستنې ته وسپارل شو.
د دې ولايت د والي وياند سرحدي ځواک کليد سره خبرو کې وويل، چې د نيازينو په نوم ياد کانال اوه کيلومتره اوږدوالى او څلور متره سور لري، چې په وينايې د پنځه زرو په شمېر کورنۍ به ترې د خپلو ځمکو د خړوبولو لپاره کټه واخلي.
نوموړي زياته كړه، پرکانال ټول دوه سوه شپېته زره امريکايي ډالره لګښت راغلى او د جوړېدو کار يې د نهو مياشتو په موده کې بشپړ شوى دى.
د ځواک په وينا، د نيازنيو کانال د اوسني اساسي رغونې سره اوس هغه زر جريبه ځمکه هم د کرنې وړ وګرځېده، چې پخوا تردې د اوبو د نشتوالي له امله شاړه پرته وه.
ده زياته كړه، تردې رغونې وړاندې ياد کانال يواځې د دوه زره جريبه ځمکې د خړوبولو توان درلود، خو اوس يې ډېرى کروندګر د خپلو کښتونو لپاره له اوبو څخه برخمن شول.
د لغمان د کرنې چارواکي وايي، د دې کانال په جوړېدو سره به د سيمې کرنيزې ځمکې ابادې او د کرنيزو لوړو توليداتو له امله به د کروندګرو اقتصاد هم پياوړى شي.
بايد وويل شي، چې تردې وړاندې د لغمان په قرغيو ولسوالۍ کې هم د کروندګرو د ستونزو د حل په موخه د يوه کانال د جوړېدو چارې بشپړې شوې وې.
کلید ګروپ په ټویټر او فیسبوک کې وګورئ
