د ملګرو ملتو سازمان پرون د جمعې په ورځ نایجریا ته د وسلو د قاچاق په دلیل د بهینې په نامه د یوې ایرانۍ سوداګریزې کمپنۍ او دوو کسانو نومونه د بندیزونو په تور لېست کې ورزیات کړل.
د ملګرو ملتو سازمان پرون د جمعې په ورځ نایجریا ته د وسلو د قاچاق په دلیل د بهینې په نامه د یوې ایرانۍ سوداګریزې کمپنۍ او دوو کسانو نومونه د بندیزونو په تور لېست کې ورزیات کړل.
د ملګرو ملتو د بندیزونو کمېټې ویلي، چې یاد کسان د ایران سپاه قدس ډلې پورې اړه لري او حسین عظیم او علي اکبر طباطبایي نومیږي.
په ملګرو ملتونو کې د امریکا استازې سوزان رایس په یوه اعلامیه کې له دې بندیزونو هرکلی کړی او ویلي يې دي، چې د سپاه قدس ډله له ایران څخه بهر په ګڼو ترهګریزو پېښو کې لاس لري.
نوموړي کسان تر دې وړاندې هم د نایجیریا یوې محکمې ته د چاودېدونکو توکو او وسلو د قاچاق په تور حاضر شوي وو.
کلید ګروپ په ټویټر او فیسبوک کې وګورئ
