د امریکا د بهرنیو چارو وزیرې هیلري کلنټن پرون د سه شنبې پر ورځ وویل چې که شمالي کوریا د خپل ولس لپاره سولیز او بهتر راتلونکی غواړي نو باید د لرې واټن توغندیو له توغولو لاس واخلي.
د امریکا د بهرنیو چارو وزیرې هیلري کلنټن پرون د سه شنبې پر ورځ وویل چې که شمالي کوریا د خپل ولس لپاره سولیز او بهتر راتلونکی غواړي نو باید د لرې واټن توغندیو له توغولو لاس واخلي.
د نوموړې پر وینا د دغه توغندیو توغول د سیمې د امنیت لپاره مستقیم ګواښ دی.
په ورته وخت کې په ملګرو ملتو کې د امریکا استازې میرمن سوزان رایس هم ټینګار وکړ چې که شمالي کوریا دا توغندی وتوغوي، نو د امنیت شورا باید په چټکۍ سره یی پر وړاندې غبرګون وښۍ.
نوموړې زیاته کړه چې د دغې شورا غړو په دې اړه وار له مخې خبرې اترې کړي دي.
دا په داسې حال کې ده چې شمالي کوریا د دغو توغندیو پر سولیزوالي ټینګار کوي او وايي چې د روانې اپریل میاشتې له ۱۲ تر ۱۶ نیټې پورې به یی وتوغوي.
دوی وايي چې دا توغندی فضا ته سپوږمکۍ استونکی توغندی دی، نه د لرې واټن ویشتونکی هغه.
کلید ګروپ په ټویټر او فیسبوک کې وګورئ
