د امریکا د بهرنیو چارو وزېرې اعلان وکړ، چې د ایران او پنځه جمع یو ډلې تر منځ کېدونکي مذاکرات به د روانې اپریل میاشتې په ۱۳مه د ترکي په استانبول ښار کې ترسره شي.
د امریکا د بهرنیو چارو وزېرې اعلان وکړ، چې د ایران او پنځه جمع یو ډلې تر منځ کېدونکي مذاکرات به د روانې اپریل میاشتې په ۱۳مه د ترکي په استانبول ښار کې ترسره شي.
نوموړې دغه اعلان پرون سعودي عربستان ته د خپل سفر پرمهال وكړ.
د اسوشیټډ پرېس خبري اژانس د راپور له مخې هیلري کلنټن اعلان وکړ، چې دواړو غاړو پر یادې نیټې د مذاکراتو د پیلولو هوکړه کړې.
مېرمن کلنټن په ورته وخت کې خبرداری ورکړ، چې د ایران اټومي لانجې د موضوع حلولو لپاره وخت د ختمېدو په حال کې دی او د دا راز چانسونو دروازې د تل لپاره خلاصې نه وي.
د اټومي لانجې پر سر د دواړو غواړو تر منځ وروستۍ خبرې اترې شاوخوا ۱۴ میاشتې وړاندې په استانبول کې له کومې پایلې پرته پای ته رسېدلې وې.
کلید ګروپ په ټویټر او فیسبوک کې وګورئ
