د امریکا حکومت په تور لېست کې د دوو نورو ایراني شرکتونو او درېیو ایراني وګړو نومونه، چې ویل کېږي له سپاه پاسداران ډلې سره تړاو لري ورزیات کړل. د امریکا د خزانې وزارت په وینا، دې شرکتونو او ایراني وګړو سوریې او افریقا ته وسلې استولې.
د امریکا حکومت په تور لېست کې د دوو نورو ایراني شرکتونو او درېیو ایراني وګړو نومونه، چې ویل کېږي له سپاه پاسداران ډلې سره تړاو لري ورزیات کړل.
د امریکا د خزانې وزارت په وینا، دې شرکتونو او ایراني وګړو سوریې او افریقا ته وسلې استولې.
یاد وزارت پرون د سه شنبې په ورځ اعلان وکړ، چې د «یاس ایر» هوايي شرکت، د بهینې په نامه سوداګریز شرکت او د اسماعیل غني، علي اکبر طباطبايي او حسین اقاجاني په نامه ایراني وګړي د بندیزونو په تور لېست کې شامل شول.
د امریکا د خزانې وزارت په اعلامیې کې ویل شوي، چې نوموړو کسانو او شرکتونو د سوريې او افریقا له حکومتونو سره د لاريون كوونكو د ځپلو لپاره د وسلو مرسته کوله.
تر اوسه د ایران حکومت په دې اړه کوم غبرګون نه دی ښودلی.
کلید ګروپ په ټویټر او فیسبوک کې وګورئ
