د امريکا جمهور رييس بارک اوباما، چې جنوبي کوريا ته په يوه رسمي سفر تللى وويل، چې دوى له وسلو د يوې پاکې نړۍ غوښتونکي دي. اوباما د جنوبي کوريا په پلازمينې سيول کې د اټومي ترهګرۍ د مهارولو له غونډې وړاندې په خپلو خبرو کې زياته کړه، چې دې موخې ته د رسېدا لپاره به له
د امريکا جمهور رييس بارک اوباما، چې جنوبي کوريا ته په يوه رسمي سفر تللى وويل، چې دوى له وسلو د يوې پاکې نړۍ غوښتونکي دي.
اوباما د جنوبي کوريا په پلازمينې سيول کې د اټومي ترهګرۍ د مهارولو له غونډې وړاندې په خپلو خبرو کې زياته کړه، چې دې موخې ته د رسېدا لپاره به له چين او روسيې سره همکاري وکړي.
نوموړي زياته كړه، چې غواړي د روسيي له نوي ټاکل شوي جمهور رييس ويلادي ميرپوتين سره وګوري تر څو د «نيو سټارټ» په نامه هغه تړون عملي کړي، چې د دواړو غاړو تر منځ د درنو وسلو د کمولو ژمنه په کې شوې.
اوباما په ورته وخت کې د ايران اټومي پروګرام ته په اشارې سره وويل، چې لا هم ايران د خپل اټومي پروګرام د بندولو په اړه ډيپلوماتيک فرصت له لاسه نه دى ورکړى.
نوموړي په همدې حال کې خبردارى ورکړ، چې دا فرصت د محدود وخت لپاره دى.
کلید ګروپ په ټویټر او فیسبوک کې وګورئ
