د پاکستان په کراچۍ ښار کې د يوې ترافيکې پېښې له امله ١٥ تنو ته مرګ ژوبله اوښتې ده. ترلاسه شوي راپورونه وايي، چې دغه پېښه د کراچۍ ښار په کورنګي سړک هغه مهال رامنځته شوه، چې د واده د مراسمو يوه موټر د سيمټي موانعو سره ټکر وکړ.
د پاکستان په کراچۍ ښار کې د يوې ترافيکې پېښې له امله ١٥ تنو ته مرګ ژوبله اوښتې ده.
ترلاسه شوي راپورونه وايي، چې دغه پېښه د کراچۍ ښار په کورنګي سړک هغه مهال رامنځته شوه، چې د واده د مراسمو يوه موټر د سيمټي موانعو سره ټکر وکړ.
د ځايي رسنيو په وينا، په دې پېښه كې د دوو ښځو او درېيو ماشومانو په ګډون ٧ تنه مړه شوي او ٨ نور سخت ژوبل شوې دي.
ځايي چارواکي وايي، چې له ټکر وروسته د موانع ځېنې برخې پر موټر رالوېدلي دي، چې په پايله کې يې ياده مرګ ژوبله رامنځته شوې.
عين شاهدين وايي، چې پېښه د ډېرې تيارې له امله رامنځته شوې ده.
کلید ګروپ په ټویټر او فیسبوک کې وګورئ
