په اسلام اباد کې د امريکا سفير کېمرون منتر تېره ورځ وويل، چې د پاکستان د آي اېس آي او د امريکا د سي آي اې ترمنځ همکاري د تېر په څېر دوام لري.
نوموړي، چې د امريکا د باسټن ايالت په هارورډ کينډي پوهنتون کې يې خبرې کولې وويل، پاکستاني سياستوال او چارواکي نه غواړي، چې امريکايي سرتيري له افغانستان څخه ووځي.
په اسلام اباد کې د امريکا سفير کېمرون منتر تېره ورځ وويل، چې د پاکستان د آي اېس آي او د امريکا د سي آي اې ترمنځ همکاري د تېر په څېر دوام لري.
نوموړي، چې د امريکا د باسټن ايالت په هارورډ کينډي پوهنتون کې يې خبرې کولې وويل، پاکستاني سياستوال او چارواکي نه غواړي، چې امريکايي سرتېري له افغانستان څخه ووځي.
د پاکستان د نېشن انګليسي ژبې ورځپاڼې د راپور له مخې، کېمرون منتر دا څرګندونې يوه ورځ وروسته له دې وکړې، چې د پاکستان ددفاع وزير وويل، چې په افغانستان کې د نړيوالو ځواکونو د اکمالاتو لپاره پاکستان خپله ټرانزيټي لار موقتاً پرانيستې ده.
نوموړي د امريکا او پاکستان د پوځونو ترمنځ اړيکې ښې وبللې.
هغه د امريکا مشرتابه ته سپارښتنه وکړه، چې د پاکستان په وړاندې داسې پاليسي خپله کړي، چې د دغه هېواد په چارو کې مداخله ټيټې او شفافيت لوړې كچې ته ورسوي.
کلید ګروپ په ټویټر او فیسبوک کې وګورئ
