د ملګرو ملتونو په یوه تازه راپور كې راغلي، چې تر راتلونکو ۳۰ کلونو پورې به د نړۍ نفوس له ۷ ملیاردو څخه ۹ میلیاردو ته ورسېږي او بشر به د طبعي سرچینو له کمښت او فقر سره مخ وي.
د ملګرو ملتونو په یوه تازه راپور كې راغلي، چې تر راتلونکو ۳۰ کلونو پورې به د نړۍ نفوس له ۷ ملیاردو څخه ۹ میلیاردو ته ورسېږي او بشر به د طبعي سرچینو له کمښت او فقر سره مخ وي.
د راپور له مخې په نړۍ کې د خوراکي توکو، اوبو او انرژۍ د تولید لپاره ډېر وخت نه دی پاتې او د دې ستونزې د مخنیوي لپاره یوه نوي اقتصادي او سیاسي پروګرام ته اړتیا ده.
د دغه پروګرام جوړول د هغه کنفرانس برخه ده، چې پنځه میاشتې وروسته یانې په راتلونکې جون میاشت کې د برازیل په پلازمینې ریوډي ژینیرو کې جوړېږي.
د ملګرو ملتونو په دې راپور کې له دولتونو هم غوښتل شوي، چې د ستونزې د حلولو لپاره خپلې موخې مشخصې کړي او له نړیوالو سازمانونو سره د چاپیریال ساتنې انقلاب سره همکاري وکړي.
کلید ګروپ په ټویټر او فیسبوک کې وګورئ
