د نړيوال اټومي اژانس مشر يوکيا امانو ايران ته د يوه لوړ پوړي پلاوي د سفر اعلان وکړ او له يرانه يې وغوښتل، چې دې پلاوي سره همکاري وکړي. امانو، چې په سويس کې يې د اقتصاد نړيوالې ټولنې د غونډې په ترڅ کې د فرانسې له خبري اژانس سره خبرې کولې وويل، چې د ايران د اټومي پروګرام
د نړيوال اټومي اژانس مشر يوکيا امانو ايران ته د يوه لوړ پوړي پلاوي د سفر اعلان وکړ او له يرانه يې وغوښتل، چې دې پلاوي سره همکاري وکړي.
امانو، چې په سويس کې يې د اقتصاد نړيوالې ټولنې د غونډې په ترڅ کې د فرانسې له خبري اژانس سره خبرې کولې وويل، چې د ايران د اټومي پروګرام د ناپوځيوالي په اړه ډاډمنتيا د ايران د نه همکارۍ له امله له ستونزو سره مخ شوې.
ټاکل شوې، چې دا پلاوی نن د شنبې پر ورځ ايران ته ورسېږي او له راتلونکې يکشنبې تر سې شنبې ورځې له ايراني چارواکو سره مذاکره وکړي.
د ويلو ده، چې ايران خپل اټومي پروګرام سوله ييز بولي، خو د اټومي انرژۍ نړيوال اژانس د دغه هېواد په اټومي فعاليتونو کې د پوځيوالي خبر ورکوي.
بلخوا بيا د اسرائيلو دفاع وزیر يهود باراک، چې دی هم د سويس په کنفرانس کې ګډون لري، خبرداری ورکړ او ويې ويل، ايران داسې يوه حالت ته نږدې کېږي، چې نور هېڅ بهرنی بريد نه شي کولای، چې د اټومي فعاليت مخه يې ونيسي.
نوموړي زياته کړه، چې که پر ايران لګېدلي بنديزونه کار ورنکړي نو بايد له پوځي ځواک څخه کار واخيستل شي.
د ده په وينا، هغه څوک، چې وايي غوره ده ايران اټومي وسله ولري خو دا هيواد بمبارد نه شي، تيروتنه کوي.
کلید ګروپ په ټویټر او فیسبوک کې وګورئ
