د نايجيريا حكومت د بوكو حرام اسلامپالې ډلې د ۱۵۲ مشكوكو غړيو د نيول خبر وركړ. چارواكو زياته كړې، چې د دغې حزب ياد غړي پرون په كانو ښار كې د نايجيريا د امنيتي ځواكونو د يو لړ ځانګړو عملياتو پرمهال نيول شوي دي.
د نايجيريا حكومت د بوكو حرام اسلامپالې ډلې د ۱۵۲ مشكوكو غړيو د نيول خبر وركړ.
چارواكو زياته كړې، چې د دغې حزب ياد غړي پرون په كانو ښار كې د نايجيريا د امنيتي ځواكونو د يو لړ ځانګړو عملياتو پرمهال نيول شوي دي.
د دوى په وينا په دغو عملياتو كې دوه تنه وژل شوي هم دي، خو دا چې دغه كسان څوك وو، په اړه معلومات نه دي وركړل شوي.
بوكو حرام د جمعې په ورځ د هغو پرله پسې چاودنو پړه پرغاړه اخيستې وه، چې له كبله يې ۱۵۰ تنه وژل شوي وو.
په سيمه كې د ميكوبي بلا په نامه يوه تن فرانسوي خبري اژانس (اى ايف پي) ته ويلي، چې امنيتي ځواكونو پر يوه كور چاپه واچوله او تر څو ساعتونو پورې د دواړو لوريو ترمنځ د ډزو لړۍ روانه وه.
د ده په وينا په دغې نښتې كې يو سړى او د هغه مېرمن ووژل شول.
کلید ګروپ په ټویټر او فیسبوک کې وګورئ
