ترکيې فرانسې ته ګواښ کړی، چې که د دغه هېواد جمهور رييس نیکولا سارکوزي، د ارمنیانو د نسل وژنې اړوند قانون لاسلیک کړي، نو له بندیزونو سره به مخ شي.
ترکيې فرانسې ته ګواښ کړی، چې که د دغه هېواد جمهور رييس نیکولا سارکوزي، د ارمنیانو د نسل وژنې اړوند قانون لاسلیک کړي، نو له بندیزونو سره به مخ شي.
د دغه قانون پر اساس، چې د فرانسې په ولسي جرګه کې تر تصویب وروسته پرون د مشرانو جرګې لخوا هم تصویب شو، که څوک په لومړۍ نړیواله جګړه کې د عثمانی حکومت په لاس د ارمنیانو له نسل وژنې انکار وکړي، نو مجرم پېژندل کېږي.
اوس که د فرانسې ولسمشر نیکولا سارکوزي دا قانون لاسلیک کړي، نو پلي کول یی لازمي ګرځي.
د ترکيې د کابینې وزیرانو دا مصوبه په بشپړه توګه غیر مسولانه بللې.
د ویلو ده، چې د فرانسې په ولسي جرګه کې د دغه قانون تر تصویب وروسته، ترکيې له فرانسې سره خپل سیاسي، اقتصادي او پوځي اړیکې وځنډولې.
کلید ګروپ په ټویټر او فیسبوک کې وګورئ
