د ليبيا د انتقالي شورا مشرانو د معمر قذافي د ورستي مرچل بني وليد د نيولو خبر وركړ. دوى زياته كړې، چې د دې ښار ۹۰ فيصده سيمه د دوى په لاس كې ده، خو د قذافي په پلرني ښار سرت كې لا هم ځاى ځاى د انتقالي شورا د سرتېريو او قذافي د پلويانو ترمنځ جګړه روانه ده.
د ليبيا د انتقالي شورا مشرانو د معمر قذافي د ورستي مرچل بني وليد د نيولو خبر وركړ.
دوى زياته كړې، چې د دې ښار ۹۰ فيصده سيمه د دوى په لاس كې ده، خو د قذافي په پلرني ښار سرت كې لا هم ځاى ځاى د انتقالي شورا د سرتېريو او قذافي د پلويانو ترمنځ جګړه روانه ده.
له طرابلس څخه نږدې يوسلو اويا كېلومتره لرې جنوب ختيځ ته پروت بني وليد ښار د انتقالي شورا د ځواكونو قومندانانو رسنيو ته ويلي، چې په دې ښار كې د دوى ځواكونه د قذافي د پلويانو له سخت مقاومت سره مخ وو، خو اوس په دې توانېدلي، چې ۹۰ فيصده خاوره خپله كړي.
د يادونې وړ ده، چې بني وليد او سرت دوه هغه ښارونه دي، چې د انتقالي شورا ځواكونه د قذافي د پلوي ځواكونو له سخت مقاومت سره مخ دي.
کلید ګروپ په ټویټر او فیسبوک کې وګورئ
