په پاکستان کې د امريکا سفير وايي، داسې شواهد شته، چې حقاني شبکه د پاکستان له حکومت سره اړيکې لري. د امريکا د سفير کمېرون مونټر دا څرګندونې، چې پرون خپرې شوې ښايي د اسلام اباد او واشنګټن ترينګلي اړيکي نورې هم کړکېچنې کړي.
په پاکستان کې د امريکا سفير وايي، داسې شواهد شته، چې حقاني شبکه د پاکستان له حکومت سره اړيکې لري.
د امريکا د سفير کمېرون مونټر دا څرګندونې، چې پرون خپرې شوې ښايي د اسلام اباد او واشنګټن ترينګلي اړيکي نورې هم کړکېچنې کړي.
امريکا او ناټو حقاني شبکه په کابل کې د امريکا پر سفارت او د ناټو پر مرکزي قرارګاه د تېرې اونۍ د حملې په ګډون د حملو مسووله ګڼي.
د حقاني ډلې په اړه، چې له طالبانو او القاعدې سره نږدې اړيکې لري، عام نظر دا دی، چې مرکزونه يې د افغانستان پولې ته څېرمه په شمالي وزيرستان کې دي.
امريکايي چارواکي پخوا هم شکمن وو، چې د حقاني ډلې او د پاکستان د حکومت ترمنځ اړيكي شته، خو د هغه مجبوريت په خاطر، چې په افغانستان کې د ثبات راوستو په خاطر يې پاکستان ته لري، دا خبره يې هېڅکله هم په عام محضر کې په دومره صراحت سره نه وه کړې لکه، چې کمېرون مونټر پرون وکړه.
کلید ګروپ په ټویټر او فیسبوک کې وګورئ
