د لويديځ ايتلاف ځواكونو د ليبيا په مركز طرابلس كې د يوې ودانۍ د له منځه وړلو خبر وركړ، چې د دوى په وينا د ډګرمن قذافي د امر او كنټرول مركز و. د ليبيا دولتي چاروكو هم د دغې ودانۍ د ړنګېدو پخلى كړى او دغه درې پوړيزه ودانۍ بهرنيو ژورنالساتو ته ښودلې، خو د مرګ ژوبلې په اړه يې څه نه دي ويلي.
د لويديځ ايتلاف ځواكونو د ليبيا په مركز طرابلس كې د يوې ودانۍ د له منځه وړلو خبر وركړ، چې د دوى په وينا د ډګرمن قذافي د امر او كنټرول مركز و.
د ليبيا دولتي چاروكو هم د دغې ودانۍ د ړنګېدو پخلى كړى او دغه درې پوړيزه ودانۍ بهرنيو ژورنالساتو ته ښودلې، خو د مرګ ژوبلې په اړه يې څه نه دي ويلي.
د لويديځ اتيلاف الوتكو د دويمې شپې لپاره هم د ډګرمن قذافي پر پوځي اډو د بمبار لړۍ جاري ساتلې.
يادو ځواكونو دا بريدونه وروسته له هغې پیل کړل، چې د ملګرو ملتونو د امنیت شورا د تیرې پنجشنبې په ورځ د لیبیا پر فضا د الوتنو د بندیز پریکړه لیک تصویب کړ.
امریکايي چارواكو ویلي، د دوى د بريدونو موخه قذافي نه بلكې د هغه دفاعي سیستم له منځه وړل دي.
بلخوا د عربي اتحاديې مشر امر موسى ويلي، چې د لويديځ ايتلاف لخوا پر ليبيا دغه بريدونه د پروازونو د بنديز له حكم وړاندې تللي.
نوموړي زياته كړې، چې عربي اتحاديې يوازې د ليبيا پر فضا د الوتنو د بنديز خبره كړې وه، ځكه چې دوى د ليبيا د ولس د ژوند ساتنه غواړي، نه د هغوى وژنه.
د امر موسى په وينا، عربي اتحاديه نه غواړي، چې د د الوتنو د بنديز په پلمه لويديځ هېوادونه پر ليبيا بريد وكړي.
بلخوا قذافي پر خپل ولس غږ كړى، چې په دې صليبي جګړې كې دې د خپل هېواد دفاع وكړي.
نوموړي زياته كړې، چې د دوى پرمخ د دولت د وسله تون ور پرانيستى دى او دوى كولاى شي، چې د خپل هېواد د دفاع لپاره ترې وسلې واخلي.
ډګرمن قذافي باغيان د صليبي بريدګرو پلويان بللي او زياته كړې يې ده، چې دوى د هېواد غداران دي او له منځه به يوړل شي.
کلید ګروپ په ټویټر او فیسبوک کې وګورئ
