دامريکا د متحده ايالاتو جمهور رييس بارک اوباما، د ليبيا مشر معمر القذافي ته خبرداری ورکړ او ويې ويل، که چيرې نوموړی د ملګرو ملتونو پريکړه ليک ونه مني نو له پوځي عمل سره به مخامخ شي.
دامريکا د متحده ايالاتو جمهور رييس بارک اوباما، د ليبيا مشر معمر القذافي ته خبرداری ورکړ او ويې ويل، که چيرې نوموړی د ملګرو ملتونو پريکړه ليک ونه مني نو له پوځي عمل سره به مخامخ شي.
د ملګرو ملتونو پريکړه ليک د ليبيا په فضا کې د الوتنو د بنديز ملاتړ کوي.
جمهور رييس اوباما دغه راز وويل، قذافي بايد هغه اوربند مراعات کړي، چې د ليبيا رژيم پرون اعلان کړ.
له دې مخکې دليبيا دبهرنيو چارو وزير موسی کوسا ويلي و، ليبيا د ملګرو ملتونو غړی دی او پريکړه ليک ته يې بايد غاړه کيږدي.
د ناټو سفيرانو د بركسل په غونډې کې پريکړه وکړه، چې په ليبيا باندې د نړيوال عمل لپاره شرايط برابرشوي دي.
ټاکل شوې چې نن داروپايي اتحاديې،عربي اوافريقايي هېوادونو مشران په پاريس کې د ملګرو ملتونو له عمومي منشي بان کي مون سره وګوري او په ليبيا کې به د ملکي خلکو د مصونيت په لارو چارو خبرې وکړي.
کلید ګروپ په ټویټر او فیسبوک کې وګورئ
