ناپېژاندو وسله والو نن غرمه د پاکستان په پلازمېنه اسلام اباد کې د لږکيو چارو مرکزي وزير وواژه. دغه پېښه نن غرمه شاوخوا دولسو بجې د اسلام اباد په اى اته سيمه کې رامنځته شوه.
ناپېژاندو وسله والو نن غرمه د پاکستان په پلازمېنه اسلام اباد کې د لږکيو چارو مرکزي وزير وواژه.
دغه پېښه نن غرمه شاوخوا دولسو بجې د اسلام اباد په اى اته سيمه کې رامنځته شوه.
په اسلام اباد کې د پوليسو يوه چارواکي بنيامين د پيښې د تاييد ترڅنګ رسنيو ته وويل، چې د لږکيو د چارو مرکزي وزير شهباز بهټي خپل دفتر ته روان و، چې ناپېژاندو وسلوالو په لاره پر هغه ډزې وکړې او ويې واژه.
هغه زياته کړه ، چې بريد کوونکي په يوه کرولا موټر کې راغلي و او له پيښې وروسته په تېښته بريالي شوي دي.
د بنيامين په وينا، پوليسو سيمه کلا بنده کړې او د بريد کوونکيو لټون يې پيل کړى دى.
کلید ګروپ په ټویټر او فیسبوک کې وګورئ
