په ننګرهار کې لسګونه ځوانانو د يوه لاريون په کولو سره په هېواد کې د افغان وژنې د بندېدو د غوښتنې ترڅنګ د ټولو افغانانو د وژونکو د محاکمې غوښتنه وکړه.
په ننګرهار کې لسګونه ځوانانو د يوه لاريون په کولو سره په هېواد کې د افغان وژنې د بندېدو د غوښتنې ترڅنګ د ټولو افغانانو د وژونکو د محاکمې غوښتنه وکړه.
دوى ويل،د هر هغه وژونکي محاکمه او په سزا رسېدل غواړي، چې په نوم افغان وژني يا يې وژلى وي.
لاريون کوونکو د نومونو په اخېستلو سره وويل چې که په دې وژونکو کې نيول شوي ناکام ځانمرګي، پوليس، ملي اردو سرتېري، بهرنيان او که بل هرڅوک وي، بايد محاکمه او د وژونکو هڅو مخنيوى يې وشي.
د لاريون سمبالګرو چې د بياداسې لاريونونو د کولو خبردارى يې ورکاوه،ويل هېڅ يوې سياسي ډلې،ټپلې سره يې تړاو نشته او د دوى په خبره يوازې او يوازې بااحساسه افغان ځوانان دي.
په ننګرهار کې د افغان وژنې پرضد دا لاريون ترهغې وروسته وشو، چې په لږو تېرو ورځو کې يوازې دې ولايت کې پر کابل بانک د وسله والو طالبانو ډله ييز ځانمرګي بريد نېږدې يو سلو دېرشو تنو ته مرګ، ژوبله واړوله.
همداشان د کندهار، خوست، کندوز او نورو ولايتونو له پېښو پرته په کونړ د بهرنيو ځواکونو بمبار کې د يوه حکومتي پلاوي په وينا، تر شپېتو زيات ولسي وګړي، چې ډېرى يې ښځې او ماشومان وو، ووژل شول.
کلید ګروپ په ټویټر او فیسبوک کې وګورئ
