نن سهار يولس بجې او لس دقيقې د کندهار ولايت د سپين بولدک ولسوالۍ په بازار کې د وېش او چمن ترمنځ پر لاره په يوه ځانمرګي بريد کې ٢٦ تنو ته مرګ ژوبله واوښته.
نن سهار يولس بجې او لس دقيقې د کندهار ولايت د سپين بولدک ولسوالۍ په بازار کې د وېش او چمن ترمنځ پر لاره په يوه ځانمرګي بريد کې ٢٦ تنو ته مرګ ژوبله واوښته.
د سپين بولدک امنيه قوماندان سلطان محمد کليد ته وويل: پېښه هغه مهال رامنځته شوه، چې د ملي امنيت ځواکونو د ياد بريدګر د نيولو هڅه وکړه.
دهغه په وينا: دوى د ځانمرګي بريدګر په اړه څلور ورځي وړاندې معلومات درلودل.
هغه زياته کړه، چې دغه بريد د يوه موټر پر مټ ترسره شوى، چې د ملي امنيت څلور کارکوونکي په كې وژل شوي او د ٢١ تنو ملکي وګړو په ګډون د ملي امنيت يو سرتيرى پكې ژوبل شوي دي.
بلخوا د سرحدي ځواکونو درستيزال جنرال عبدالرزاق وايي، چې په پېښه كې ١٦ تنه ملکي وګړي، شپږ سرحدي پوليس او دوه تنه د ملي امنيت کارکوونکي ژوبل شوي دي.
د دې پېښي په اړه تراوسه لا د دولت وسله والو مخالفينو څه نه دي ويلي.
د يادونې وړ ده، چې يوه مياشت وړاندې هم په دې سرحدي ولسوالۍ كې د يوه ځانمرګي بريد له امله ٢٩ تنو ته مرګ ژوبله اوښتي وه.
کلید ګروپ په ټویټر او فیسبوک کې وګورئ
