د ننګرهار چارواکي وايي، پر کابل بانک د ډله ييز ځانمرګي بريد پر مهال دوو چاودنو لږ، ترلږه نهه تنه وژلي او شاوخوا اويا نور يې ټپيان کړي. دا ډله ييز ځانمرګى بريد، چې د جلال اباد مخابراتو څلورلاري کې د والي د ماڼۍ په څو مترۍ او څو نورو حکومتي ادارو ته څېرمه و شو،د ننګرهار امنيې قومندان او د هغه مرستيال هم پکې د يوشمېر نورو پوليسو ترڅنګ ټپيان شول.
د ننګرهار چارواکي وايي، پر کابل بانک د ډله ييز ځانمرګي بريد پر مهال دوو چاودنو لږ، ترلږه نهه تنه وژلي او شاوخوا اويا نور يې ټپيان کړي.
دا ډله ييز ځانمرګى بريد، چې د جلال اباد مخابراتو څلورلاري کې د والي د ماڼۍ په څو مترۍ او څو نورو حکومتي ادارو ته څېرمه و شو،د ننګرهار امنيې قومندان او د هغه مرستيال هم پکې د يوشمېر نورو پوليسو ترڅنګ ټپيان شول.
عيني شاهدان د ځانمرګو بريدګرو شمېر اووه تنه ښيي او وايي: د پوليسو له جامو په ګټې اخېستو سره پرداسې مهال د بانک ودانۍ ته ورننوتي وو، چې پوليسو له بانکه خپل دولتي معاشونه ترلاسه کول.
د ننګرهار د والي وياند احمدضياعبدالزى بياوايي: د امنيتي ځواکونو په ډزو دوه ځانمرګي وژل شوي، خوپه ناڅرګند شمېر نور وسله وال لا په بانک کې پاتې دي، چې د ځپلو هڅه يې روانه ده.
د والي وياند د ځانمرګو بريدونو پر مهال دوو چاودنو کې د نهو تنو وژل کېدل او شاوخوا اويانورو ټپي کېدل مني، خو وايي: په بانک دننه د تلفاتو معلومات نه لري.
د وسله والو طالبانو وياند ذبيح الله مجاهد چې رسنيو ته يې د بريد مسوليت اخېستى،وايي درې ځانمرګي ملګري يې د پوليسو جامو کې پربانک ننوتي وو چې دوو يې ځانونو ته چاودنه ورکړې او درېيم يې چې د بريد سمبالګرو،د پېښې له ځايه روغ وتى.
د ده په دعوه نهه دېرش سرحدي پوليس او استخباراتي کارکوونکي دې بريد کې وژل شوي،او ګڼ نور د پينځلسو ولسي و ګړوترڅنګ ټپيان دي.
د پېښې له امله د شاوخوا ډېرو ودانيو ښېښې ماتې شوې وې او په ودانيو کې ډېرخلک بندپاتې وو.
ننګرهار کې پخواهم څو ځله داسې ډله ييز ځانمرګي بريدونه پرهوايي ډګر شوي وو،خو د نن په شان پکې ډېرو ولسي خلکو ته زيان نه و اوښتى.
کلید ګروپ په ټویټر او فیسبوک کې وګورئ
