وسله والو طالبانو د بادغيس ولايت په بالامرغاب ولسوالۍ كې د سرحدي پوليس يو سرتيرى و واژه. دغه سرتېرى دوه ورځې وړاندې په يوې فاتحې كې د ګډون لپاره د بالامرغاب ولسوالۍ موريچاق كلي ته تللى و، چې له هغه ځايه د وسله والو طالبانو لخوا وښتول شو.
وسله والو طالبانو د بادغيس ولايت په بالامرغاب ولسوالۍ كې د سرحدي پوليس يو سرتيرى و واژه.
دغه سرتېرى دوه ورځې وړاندې په يوې فاتحې كې د ګډون لپاره د بالامرغاب ولسوالۍ موريچاق كلي ته تللى و، چې له هغه ځايه د وسله والو طالبانو لخوا وښتول شو.
په لويديځ كې د څلورم زون د سرحدي قومندانۍ د كشف امر وويل، چې د دغه سرتېري مړى تېره ورځ د بالامرغاب ولسوالۍ په مربوطاتو كې وموندل شو.
د وسله والو طالبانو يوه وياند قاري يوسف احمدي د نوموړي د وژلو پړه پر غاړه اخيستې.
كه څه څو ځله په ياده سيمه كې سرحدي پوليسو چاڼيز عمليات ترسره كړي، خو لا هم سيه د وسله والو طالبانو له شتون څخه نه ده پاكه.
تر اوسه څو ځله د موريچاق كلى د وسله والو طالبانو او دولت لاس ته ورغلى.
د يادونې وړ ده، چې موريچاق كلى له تركمنستان هېواد سره ګډه پوله لري.
کلید ګروپ په ټویټر او فیسبوک کې وګورئ
