ځايي چارواكي وايي، چې په كندوز ولايت كې د سړك د غاړې ماين په يوې چاودنې کې د آيساف ځواکونو يو موټر ويجاړشو. په کندز ولايت كې د مېشتو آيساف ځواکونو مطبوعاتې مسوول ډګرمن بخاري د پېښې
ځايي چارواكي وايي، چې په كندوز ولايت كې د سړك د غاړې ماين په يوې چاودنې کې د آيساف ځواکونو يو موټر ويجاړشو.
په کندز ولايت كې د مېشتو آيساف ځواکونو مطبوعاتې مسوول ډګرمن بخاري د پېښې د پخلي ترڅنګ كليد ته وويل، چې، د دوي کاروان نن سهار د کندز ولايت قلعه ذال ولسوالۍ ته روان و، چې د يادې ولسوالۍ د ينغارق په سيمه کې پرې د سړک د غاړې ماين چاودنه وشوه او له امله يې يو موټر لږ څه ويجاړ، خو سرتېرو ته په كې زيان نه دى اوښتى.
بلخوا د وسله والو طالبانو وياند ذبيح الله مجاهد، چې د پيښې پړه يې پر غاړه اخيستې رسنيو ته په خبرو كې ادعا وكړه، چې په ياده چاودنه کې يې د آيساف ځواکونو يو ټانګ ويجاړ او پکې سپاره ٤ تنه يې وژلي دي.
کلید ګروپ په ټویټر او فیسبوک کې وګورئ
