د هېواد د ماليې وزير د ننګرهار د چارواکو هغه نيوکه ردکړه چې ګواکې ننګرهارته په ځانګړې شوې کلنۍ پراختيايي بوديجه کې ظلم شوى او ننګرهار ته کمې پيسې ځانګړې شوي.
د هېواد د ماليې وزير د ننګرهار د چارواکو هغه نيوکه ردکړه چې ګواکې ننګرهارته په ځانګړې شوې کلنۍ پراختيايي بوديجه کې ظلم شوى او ننګرهار ته کمې پيسې ځانګړې شوي.
د ماليې وزير ډاکټرحضرت عمر زاخېلوال په ننګرهار کې کليد ته د يوې ځانګړې مرکې پرمهال وويل: نه يوازې ننګرهار؛ بلکې هر ولايت ته له ځانګړې شوې دې بوديجې څخه دفاع کوي.
زاخېلوال د ننګرهار د والی د هغې نيوکې په ځواب کې، چې له بلخ څخه د زياتو استوګنو له لرلو سره بيا هم ننګرهار ته کمه پراختيايي بوديجه ځانګړې شوې،
وويل: بلخ ته د اورګاډي پټلۍ غځول کېږي، هغه ډېرلګښت لرونکې پروژه ده، چې د ده په وينا: بلخ ته په نامه شوې خو د هېواد په کچه ده.
زاخېلوال د ننګرهار د ولايتي ادارو د اړوندو نيوکو لامل ناسم پوهاوى وباله او ويې ويل: داسې ډېر لګښته پروژې په ننګرهارکې هم پيل شوي او پلان لاندې دي.
د ماليې وزير د کليد يوې بلې پوښتنې ته په ځواب کې وويل، چې پراختيايي بوديجې ته يې امکانات په ټوله کې کم دي او د ننګرهار په ګډون د هېڅ ولايت د خلکو اړتياوې نه شي ځوابولى.
ماليې وزير د ننګرهار پراختيايي بوديجې په اړه دا خبرې پرداسې مهال کوي، چې د ننګرهار والي څه موده مخکې کليد ته په دې بوديجه کې ننګرهارته اعلان شوې پيسې کمې ګڼلې وې.
د ننګرهار والي دا هم ويلي وو، چې قومي مشرانو سره به له دې مسئلې جمهور رييس کرزي ته په شکايت ځي او د ننګرهاريانو د حق پوښتنه به کوي.
د ننګرهار د چارواکو په وينا:دې ولايت ته په کال کې څلور شپېته مليونه امريکايي ډالره د پراختيايي کارونو لپاره ځانګړي شوي، چې د دوى په خبره د بلخ د دې بوديجې نېمايي برخه کېږي.
کلید ګروپ په ټویټر او فیسبوک کې وګورئ
