د ننګرهار والي وايي، چې په جلال اباد کې د هندوستان د قونسلګرۍ د يوه افغان مامور د تښتونې په تور يې درې تنه نيولي دي. والي ګل آغا شېرزي نن رسنيو ته وويل چې دغه درې تنه تېره ورځ په خوګياڼو ولسوالۍ کې نيول شوي دي.
د ننګرهار والي وايي، چې په جلال اباد کې د هندوستان د قونسلګرۍ د يوه افغان مامور د تښتونې په تور يې درې تنه نيولي دي.
والي ګل آغا شېرزي نن رسنيو ته وويل چې دغه درې تنه تېره ورځ په خوګياڼو ولسوالۍ کې نيول شوي دي .
هغه زياته کړه، چې ددوى راپورونه ښيي، چې تښتول شوى مامور ژوندى دى او امنيتي ارګانونو يې په اړه نوي معلومات ترلاسه کړي دي.
مامور عبدالودود وړمه شپه د جلال اباد ښار د فارم هډې له سيمې څخه تښتول شوى دى.
تراوسه د عبدالودود د تښتونې مسووليت چا په غاړه نه دى اخيستى.
کلید ګروپ په ټویټر او فیسبوک کې وګورئ
