د کونړ په شېګل ولسوالۍ کې د يوې ترافيکي پېښې له امله لس ولسي وګړي ټپيان شول، چې چارواکي يې د ځينو روغتيايي حالت د اندېښنې وړ ګڼي. د کونړ مرستيال امنيې قومندان مل پاسوال عبدالصبور الله يار وايي
د کونړ په شېګل ولسوالۍ کې د يوې ترافيکي پېښې له امله لس ولسي وګړي ټپيان شول، چې چارواکي يې د ځينو روغتيايي حالت د اندېښنې وړ ګڼي.
د کونړ مرستيال امنيې قومندان مل پاسوال عبدالصبور الله يار وايي، چې دغه پېښه پرون غرمه مهال د يوه کرولا او پيکپ موټر ترمنځ شوې ده.
هغه وايي: يو موټر له شېګل نه اسعد اباد او بل له اسعد اباد نه شېګل ته ته.
د ده په ويناپېښه کې د دواړو موټر چلوونکو ترڅنګ يو ماشوم هم ټپي شوى.
الله يار له نورو جزياتو پرته د درېيو ټپيانو روغتيا د اندېښنې وړګڼي.
د پېښې د لامل په اړه مرستيال امنيې قومندان وايي چې د چلوونکو د ناپامۍ ترڅنګ ښايي د باران له امله د سړک ښويوالى يې هم يو لامل دى.
دى زياتوي چې يو موټرچلوونکى چې روغتيايې نسبتاښه ده،ترافيکو نيولى او پلټنې ترې روانې دي.
کونړ د هېواد په ختيز کې يو له هغو ولايتونو دى چې ډېرې سيمې يې غره ييزې او د موټرو تګ،راتګ ورته کم دى.
کلید ګروپ په ټویټر او فیسبوک کې وګورئ
