د کندهار ښار د دويمې امنيتي حوزې اړوند د خټي او نوشان ويالې ترمنځ د راه رباط په سيمه کې پرون سهار د نهه نيموبجو په شاوخوا کې يوې چاودنې درې تنه ملکي وګړي ټپيان كړل.
د کندهار ښار د دويمې امنيتي حوزې اړوند د خټي او نوشان ويالې ترمنځ د راه رباط په سيمه کې پرون سهار د نهه نيموبجو په شاوخوا کې يوې چاودنې درې تنه ملکي وګړي ټپيان كړل.
د کندهار امنيه قوماندان لوى پاسوال خان محمد مجاهد وايي، چې په ياده سيمه کې د ملکي وګړو يوه رکشه تېرېده، چې د لارو په اوږدو کې پر يوه ښخ شوي ماين ور برابره او په پايله كې يې دغه پېښه رامنځته شوه.
د هغه په وينا: په چاودنه کې د ريکشا چلوونکي په ګډون يوه ښځه او ماشوم ټپيان شوي دي.
بلخوا د ميرويس روغتون ډاکټران وايي، چې له يادې چاودنې څخه دوى ته څلور تنه وروړل شوي وو، چې پکې دوه ماشومان، يو نارينه او يوه ښځه شامله ده.
د ډاكټرانو د معلوماتو له مخې، وروسته بيا ښځې د سختو ټپونو له امله ساه ورکړه.
د يادې چادونې په اړه تراوسه کومې ډلې څه نه دي ويلي.
د يادونې وړ ده، چې څو ورځي وړاندې د کندهار په ډنډ او ارغستان ولسواليو کې هم د سړک د غاړي ماين چاودنې دوه ملکي وګړي مړه او دوه نور كړل.
کلید ګروپ په ټویټر او فیسبوک کې وګورئ
