جمهور رييس کرزى چې تيره ورځ هند ته ورسيد نن به په نوي ډيلي کې د دوامداره پراختيا تر نامه لاندې لومړني نړېوال کانفرانس ته وينا وکړي. تمه ده، چې کرزى به په افغانستان کې د ثبات او امنيت په هکله د کانفرانس ګډون والو ته څرګندونې وکړي.
جمهور رييس کرزى چې تيره ورځ هند ته ورسيد نن به په نوي ډيلي کې د دوامداره پراختيا تر نامه لاندې لومړني نړېوال کانفرانس ته وينا وکړي.
تمه ده، چې کرزى به په افغانستان کې د ثبات او امنيت په هکله د کانفرانس ګډون والو ته څرګندونې وکړي.
د جمهوري رياست د وياند مرستيال حامدعلمي وايي چې کرزى به له هندي چارواکو او د کانفرانس له ګډون والو سره په کتنو کې د افغانستان د امنيت او بيارغونې وروستي پرمختګونه شريک کړي.
نوموړي زياته کړه، چې له افغانستان سره د هند د نورو مرستو تر څنګ د دغه هېواد د سل ټنه غنمو د مرستې په مسله به هم خبرې وشي.
په نوي ډيلي کې د دوامداره پراختيا په نامه لومړنۍ نړېوال کانفرانس کې د انرژۍ د څيړنيز انسټيټيوټ له خوا جوړيږي چې هدف يې د نظر تبادله او د چاپيريال ساتنې له محلي پروژو څخه زده کړه ده.
ټاکل شوې، چې جمهور رييس کرزي بيا له نوي ډيلي څخه د جرمني ميونيخ ښار ته لاړ شي چيرته چې به هغه په نړېوال امنيتي کانفرانس کې ګډون وکړي.
کلید ګروپ په ټویټر او فیسبوک کې وګورئ
