په ننګرهار کې د سرحدي پوليسو پر يوه رېنجر موټر چاودنې لږ،تر لږه شپږ تنه پوليس او ملكي وګړي ټپيان کړل. چاودنه نن سهار شاوخوا اته بجې د جلال اباد ښار جنوب کې د کامبو خوړ او سرحدي پوليسو قومندانۍ ته نېږدې وشوه.
په ننګرهار کې د سرحدي پوليسو پر يوه رېنجر موټر چاودنې لږ،تر لږه شپږ تنه پوليس او ملكي وګړي ټپيان کړل.
چاودنه نن سهار شاوخوا اته بجې د جلال اباد ښار جنوب کې د کامبو خوړ او سرحدي پوليسو قومندانۍ ته نېږدې وشوه.
په ختيځ کې د سرحدي پوليسو د لومړۍ لېوا قومندان مل پاسوال امين الله امرخېل وايي، چې پوليس يې عادي ټپونه لري.
د امرخېل په وينا: چاودنه کې ټپي شوې مېرمنې ځايي خلک دي، چې د هغوى روغتياهم د ډاډ وړ ده.
د ننګرهار امنيې قومندان مل پاسوال علي شاه پکتياوال هم کليد ته چاودنه د سړک غاړې ماين له امله رامنځته شوې وګڼله.
د ننګرهار د عامې روغتيا روغتون مشر ډاکټر سيف الرحمان ابراهيم خېل هم د سرحدي پوليسو د قومندان خبرې تاييد کړې.
د پېښې مسؤليت وسله والو طالبانو کليد ته پرغاړه واخېست او يوه وياند يې د پينځو سرحدي پوليسو د وژلو او يوه د ټپي کولو دعوه وکړه.
کلید ګروپ په ټویټر او فیسبوک کې وګورئ
