امنيتي چارواکي وايي، چې په کندهار ښار کې يې د غلچکيو بريدګرو پنځه كسيزه ډله نيولې ده. د کندهار امنيه قوماندان لوى پاسوال خان محمد مجاهد يوې خبري غونډې ته وويل،
امنيتي چارواکي وايي، چې په کندهار ښار کې يې د غلچکيو بريدګرو پنځه كسيزه ډله نيولې ده.
د کندهار امنيه قوماندان لوى پاسوال خان محمد مجاهد يوې خبري غونډې ته وويل، چې ياده ډله يې تېره ورځ مازيګر مهال د کندهار ښار د نهمې امنيتي حوزې اړوند د لويې ويالې په سيمه کې نيولي دي.
نوموړي زياته كړه، چې له يادو کسانو سره يې د لالاجان په نوم باندې د غلچکي بريدونو مشهور کس، چې د يادې ډلې مشري يې پر غاړه وه له يوه عراده موټرسايکل او يو ميل تمانچې سره نيولى دى.
امنيه قوماندان دغه راز د کندهار ښار د ٧ مې امنتي حوزې په مربوطاتو کې په يوه عراده مازداموټرکې د٢٨٠ کېلوګرامه نشه يي توکو د نيولو خبر ورکړ.
د قوماندان په وينا: د يادو توکو په تړاو يې يو تن هم نيولى دى.
د يادونې وړ ده، چې امنيتي چارواکو درې ورځې وړاندې هم د نشه يي توكو د درېيو تنو قاچاق کوونکو د نيولو خبر ورکړى و.
کلید ګروپ په ټویټر او فیسبوک کې وګورئ
