د زابل ولايت مركز کلات ښار ته څېرمه د ملادينو په کلي كې د دولت اووه تنه وسله وال مخالفين ونيول شول. د دې ولايت د والي وياند محمد جان رسوليار کليد ته وويل،
د زابل ولايت مركز کلات ښار ته څېرمه د ملادينو په کلي كې د دولت اووه تنه وسله وال مخالفين ونيول شول.
د دې ولايت د والي وياند محمد جان رسوليار کليد ته وويل، چې ياد مخالفين د افغان او نړيوالو ځواکونو له لوري هغه وخت ونيول شول، چې غوښتل يې د ملا دينو کلي د سړک پرغاړه ماينونه ځاى پرځاى کړي.
د رسوليار د معلوماتو له مخې: له نيولو شويو کسانو سره درې عرادې موټر سايکلونه او هغه چاودېدونکي توکي، چي غوښتل ځاى پرځاى يې کړي نيول شوي دي.
په دې اړه لا تراوسه د دولت وسله والو مخالفينو څه نه دي ويلي.
د يادونې وړ ده، چې د ملادينو کلى د کابل – کندهار پر لويه لار پروت دى او وخت ناوخت ترې د ګډو ځواكونو او وسله والو مخالفينو ترمنځ د نښتو خبرونه راځي.
کلید ګروپ په ټویټر او فیسبوک کې وګورئ
