ايتلافي ځواکونو د ننګرهار په حصارک ولسوالۍ کې پر وسله والو طالبانو هوايي بمبار کړى، چې د دوى په دعوه دې ولسوالۍ ته د دې ډلې نومول شوى ولسوال پکې له خپلو لسو ملګرو سره وژل شوى.
ايتلافي ځواکونو د ننګرهار په حصارک ولسوالۍ کې پر وسله والو طالبانو هوايي بمبار کړى، چې د دوى په دعوه دې ولسوالۍ ته د دې ډلې نومول شوى ولسوال پکې له خپلو لسو ملګرو سره وژل شوى.
د ايتلافي سرتېرو دا دعوه له پلازمېنې کابله د دوى په يوې خبرپاڼې کې شوې او د بمبار وخت پرون ورځ ښودل شوى.
ختيځ کې د دې ځواکونو مطبوعاتي اداره پردې دعوه څه نه وايي، خو د ننګرهار امنيه قومندان مل پاسوال علي شاه پکتياوال مني، چې حصارک کې د وسله والو طالبانو پر ضد عمليات شوي او يو شمېر طالبان پکې وژل شوي دي.
دا، چې عمليات کله شوي او وژل شوي پکې څوک او د کومو سيمو دي، پکتياوال وايي: په دې اړه يې يو پلاوى سيمې ته ورغلى او جزيات به يې وروسته روښانه شي.
يو شمېر ولسي خلکو هم رسنيو ته په حصارک کې پر طالبانو د بمبار پخلى کړى، خو ډېر جزيات يې په اړه نه دي ورکړي.
د وسله والو طالبانو وياند ذبيح الله مجاهد کليد ته رد کړه، چې ګواکې وسله وال ملګري يې په حصارک کې وژل شوي يا تر بريد لاندې راغلي.
حصارک د ننګرهار د تازه کرارې شوې شېرزاد و ولسوالۍ ترڅنګ پرته ولسوالي ده، چې ويل کېږي، دلته هم وسله والو طالبانو فعاليتونه لرل.
کلید ګروپ په ټویټر او فیسبوک کې وګورئ
