د ملي امنيت ځواکونو د کندهار د ډنډ ولسوالۍ په مربوطاتو کې د ګڼ شمېر سپکو او درنو وسلو د نيولو خبر ورکړل شو. د کندهار د ملي امنيت رئيس جنرال محمد نعيم مومن په دې اړه وويل،
د ملي امنيت ځواکونو د کندهار د ډنډ ولسوالۍ په مربوطاتو کې د ګڼ شمېر سپکو او درنو وسلو د نيولو خبر ورکړل شو.
د کندهار د ملي امنيت رئيس جنرال محمد نعيم مومن په دې اړه وويل، چې يادې وسلې يې د دې ولسوالې د قاسم پله په سيمه كې په داسې حال کې نيولي، چې د دولت مخالفينو غوښتل يادې وسلې له دې ځايه کندهار ښار ته ولېږدوي.
د هغه په وينا: په يادو وسلو کې دوه ميله راکټونه، پنځه ميله کلاشينکوفونه، ٧٨ شاجورونه او په زرګونه د کلاشينکوف مرمۍ شاملې دي.
هغه وويل، چې تر اوسه يې د يادو وسلو په تړاو څوک نه دي نيولي، خو په اړه يې جدي پلټنې روانې دي.
د مومن د معلوماتو له مخې: په دې وروستيو کي د ځينو بهرنيو کړيو له لوري، چې هغه يې نوم وا نه خيست بهر كې پر مېشتو مخالفينو فشار راوړي، چې په افغانستان کي وجنګيږي، خو په وينا يې: هغوي زړه نه ښه کوي.
د يادونې وړ ده، چې څلور ورځې وړاندې د ملي امنيت کارکوونکو يو سړي تښتونکى او د دولت يو مخالف کس هم نيولي وو.
کلید ګروپ په ټویټر او فیسبوک کې وګورئ
