په خوست کې د ناټو ځواکونو مطبوعاتي دفتر وایي، چې بېګا شپه يې د دې ولایت په صبریو ولسوالی کې عمليات تر سره كړي، چې په ترڅ کې يې د وسله والو طالبانو د یوه قوماندان په ګډون ۱۰ تنه وژلي او ۹ نور یې ژوندي نیولي.
په خوست کې د ناټو ځواکونو مطبوعاتي دفتر وایي، چې بېګا شپه يې د دې ولایت په صبریو ولسوالی کې عمليات تر سره كړي، چې په ترڅ کې يې د وسله والو طالبانو د یوه قوماندان په ګډون ۱۰ تنه وژلي او ۹ نور یې ژوندي نیولي.
سرچينې زیاته کړې، چې په دې عملیاتو کې يو ماشوم وژل شوی او د يوه بل ماشوم په ګډون يوه ښځه ټپي شوې ده.
د خوست امنیه قوماندان جنرال عبدالحکیم اسحاقزي کلید ته د دغو عملیاتو پخلى كړى او زياته كړې يې ده، چې پکې د ۱۱ تنه وسله والو د وژل كېدو ترڅنګ وسلې او د ځانمرګي برید واسکټونه نيول شوي دي.
عبدالله فدایي، چې رسنیو ته په سیمه کې ځان د حزب اسلامي وسله والې ډلې ویاند ورپیژني ویلي، چې دغه برید د دوی ملګرو کړی، چې د درېیو ملګرو د وژل کېدو تر څنګ یې بهرنیو سرتیرو ته هم زیاته مرګ ژوبله اړولې ده.
صبري د خوست له هغو ولسوالیو څخه يوه ده، چې ډېر کله ترې د عملیاتو او مرګ ژبلې راپورونه راځي. د دې تر څنګ دغه ولسوالي د خوست د ځایې زندان سربېره په بګرام او ګوانتانامو زندان کې هم لسګونه بندیان لری.
کلید ګروپ په ټویټر او فیسبوک کې وګورئ
