نن له غرمې مخکې د کندهار په سپين بولدک ولسوالۍ د وېش او چمن ترمنځ يو بريد کوونکى، چې غوښتل يې پر دولتي چارواکو بريد وکړي هدف تر رسېدو وړاندې د پوليسو له لوري ووژل شو.
نن له غرمې مخکې د کندهار په سپين بولدک ولسوالۍ د وېش او چمن ترمنځ يو بريد کوونکى، چې غوښتل يې پر دولتي چارواکو بريد وکړي هدف تر رسېدو وړاندې د پوليسو له لوري ووژل شو.
د سپين بولدک ولسوال حاجي عبدالغني کليد ته وويل، چې دوى د بريد کوونکي په اړه له وړاندې څخه معلومات درلودل، خو کله، چې يې پوليسو د نيولو هڅه وکړه هغه ځان ته چاودنه ورکړه.
نوموړي زياته كړه، دغه بريد د يوه څوارلس كلن هلك لخوا ترسره شوى، خو چا ته په كې کوم زيان نه دي رسېدلى.
د ولسوال په وينا: ياد بريد کوونکي د پولې ها غاړې څخه راوښتى و.
په دې اړه لا وسله والو طالبانو څه نه دي ويلي.
د يادونې وړ ده، چې تر دې وړاندې هم په دې ولسوالۍ كې دوه نور ځانمرګي بريدونه شوي وو، چې يو يې د څلويښتو او بل د درېيو تنو ته مرګ ژوبله اړولې وه.
کلید ګروپ په ټویټر او فیسبوک کې وګورئ
