د کندهار ښار د شپاړسمې امنيتي حوزې اړوند د لودين هوټل مخې ته په بايسكل كې د ځاى پر ځاى شيويو چاودېدونكو توكو پر مټ چاودنه شوې، چې له امله يې لس تنه ټپيان شول.
د کندهار ښار د شپاړسمې امنيتي حوزې اړوند د لودين هوټل مخې ته په بايسكل كې د ځاى پر ځاى شيويو چاودېدونكو توكو پر مټ چاودنه شوې، چې له امله يې لس تنه ټپيان شول.
د کندهار د امنيت امر سمونوال فضل احمد شېرزاد د پېښې د پخلي ترڅنک کليد ته وويل، چې پېښه تېر ماښام شاوخوا شپږ بجې او شل دقيقې هغه مهال رامنځته شوه، چې د پوليسو د ګزمې موټر سيمې ته راورسېد.
نوموړي زياته كړه، چې چاودنه د ريموټ كنټرول په واسطه شوې، چې له امله يې درې تنه پوليس او اوه ملکي وګړي ټپيان شول.
بلخو د ميرويس روغتون ډاکټران وايي، چې له يادې پېښې ١٢ تنه ټپيان وروړل شوي، چې څلور يې پوليس او پاتې يې ملکي وګړي دي.
د يادې چاودنې په اړه لا تر اوسه کومې وسله والې ډلې څه نه دي ويلي.
د يادونې وړ ده، چې يوه اوونۍ وړاندې هم د کندهار – بولدک پرلاره د ځانمرګي بريد په پايله كې د يوه ملکي وګړي په ګډون دوه تنه پوليس وژل شوي وو.
کلید ګروپ په ټویټر او فیسبوک کې وګورئ
