په ننګرهار کې يوې درنې ترافيکي پېښې تېر مازېګر ديارلس تنو ته مرګ ژوبله واړوله. پېښه د جلال اباد جنوب خواته د سره رود ولسوالۍ بختان سيمې سره پر رېنګ روډ سړک تورخم
په ننګرهار کې يوې درنې ترافيکي پېښې تېر مازېګر ديارلس تنو ته مرګ ژوبله واړوله.
پېښه د جلال اباد جنوب خواته د سره رود ولسوالۍ بختان سيمې سره پر رېنګ روډ سړک تورخم ته د يوه تلونکي سوپرکېشتم او کابل ته د تلونکي يو ه داسلنډ ترمنځ وشوه، چې د ننګرهار د و الي وياند احمد ضياعبدالزى يې په پخلي كوي او وايي، چې د سوپرکېشتم دولس سپرلۍ مړې او يو بل تن يې ټپي دى.
وياند وايي: په مړو کې درې ماشومان او دوه مېرمنې هم شامل دي.
عبدالزى د ترافيکي چارواکو له خولې د سوپر کېشتم موټر چلوونکى په پېښه کې پړ ګڼي او وايي: پوليس ترهڅو و روسته هم د دواړو موټر چلوونکو په نيونه کې پاتې راغلي، خو د داسلنډ موټر يې لاسته ورغلى.
د ننګرهار د عامې روغتيا روغتون مشر ډاکټر سيف الرحمان ابراهيم خېل بيا کليد ته وويل، چې پېښه کې دولس تنه مړه شوي او دوه ټپيان دي، چې د يوه ټپي روغتياد اندېښنې وړ ده.
د ابراهيم خېل په وينا: په مړو شويو کې د کابل – جلال اباد ترمنځ د پرتې کوتل سيمې د يوې کورنۍ شپږ غړي شامل دي.
د ننګرهار د ترافيکو مدير د تېرو نورو داسې پېښو په شان بيا هم له خبرو ډډه وکړه، خو د والي وياند کليد ته ومنله، چې د موټر چلوونکو د ناپامۍ ترڅنګ په ننګرهار کې د زياتو شويو ترافيکي مرګ، ژوبلو يو لامل دلته د ترافيکي پرسونل کموالى دى.
کلید ګروپ په ټویټر او فیسبوک کې وګورئ
