د استونيا د بهرنيو چارو وزير ارماس پيټ په يوه ناڅاپي سفر له هلمنده ليدنه وكړه. دغه بهرني چارواكي د يكشنبې په ورځ د يوه پلاوي په مشرۍ په دې ولايت كې
د استونيا د بهرنيو چارو وزير ارماس پيټ په يوه ناڅاپي سفر له هلمنده ليدنه وكړه.
دغه بهرني چارواكي د يكشنبې په ورځ د يوه پلاوي په مشرۍ په دې ولايت كې د خپلو سرتېرو د ليدو ترڅنګ د هلمند له والي او دولتي چارواكو سره هم وليدل او د خپل هېواد لخوا يې له افغان دولت سره په مرستو ټينګار وكړ.
ځايې چارواكي وايي، چې استونيا كه څه هم يو كوچنۍ هېواد دى، خو د امنيت د ساتلو ترڅنګ یې د روغتيا په برخه كې په هلمند كې مرستې كړې دي.
د هلمند والي محمد ګلاب منګل تر دې ليدنې وروسته خبريالانو ته وويل، چې نوموړي بهرني چارواكي ورسره د پوليسو په روزنه، د مخدره توكو په مخنيوي، بيارغونې او د روغتيا په برخه كې له افغان دولت او په ځانګړي توګه له هلمند ولايت سره د مرستې ژمنه وكړه.
ګلاب منګل زياته كړه: هلمند ته د استونيا د بهرنيو چارو د وزير سفر موخه د خپلو سرتېرو ليدل او د امنيت اروزل وو.
د ده په خبره: تر دې دمخه هم استونيا په هلمند كې د روغتيا په برخه كې د پام وړ مرستې كړي دي.
د يادونې وړ ده، چې د استونيا هېواد د ايساف په چوكاټ كې ۱۵۰ سرتېرې لري، چې د هلمند په نادعلي ولسوالۍ كې د امنيت په ساتلو بوخت دي.
کلید ګروپ په ټویټر او فیسبوک کې وګورئ
