د ننګرهار په چپرهار ولسوالۍ کې نن د پوليسو پر يوه موټر چاودنه شوې چې چارواکي وايي: دوه پوليس يې په برسېرنه توګه ټپيان کړي. د چپرهار ولسوال معلم معشوق کليد ته وويل: چاودنه د شعېب کلا تر يوه پولچک
د ننګرهار په چپرهار ولسوالۍ کې نن د پوليسو پر يوه موټر چاودنه شوې چې چارواکي وايي: دوه پوليس يې په برسېرنه توګه ټپيان کړي.
د چپرهار ولسوال معلم معشوق کليد ته وويل: چاودنه د شعېب کلا تر يوه پولچک لاندې د خښ شوي ماين له امله غرمه مهال رامنځته شوه، چې يوازې دوه پوليس پکې ټپيان دي.
ولسوال د ټپي شويو پوليسو روغتيا د ډاډ وړ ګڼي او وايي: له چاودنې سره ماين خښونکو له سيمې تېښته کړې.
د وسله والو طالبانو وياند ذبيح الله مجاهد کليد ته د پېښې مسوليت پرغاړه واخېست او دعوه يې وکړه، چې پينځه پوليس يې پکې وژلي.
چپرهار چې د جلال اباد جنوب ته په شاوخوا دېرش کيلومترۍ کې پرته ولسوالي ده،چې وخت،نا وخت ترې د ناامنيو ورته خبرونه راځي.
کلید ګروپ په ټویټر او فیسبوک کې وګورئ
